Gofal Plant ym Merthyr Tudful
Ym Merthyr Tudful, rydyn ni’n ffodus i gael nifer o leoliadau gofal plant rhagorol sy’n cynnwys meithrinfeydd, sefydliadau cyn-ysgol, cylchoedd meithrin, gwarchodwyr plant, clybiau y tu allan i oriau ysgol, a chlybiau gwyliau.
Mae mynychu lleoliad gofal plant o safon yn helpu plant i ddatblygu sgiliau cymdeithasol, ieithyddol, emosiynol a gwybyddol, yn ogystal â galluoedd corfforol a fydd yn eu helpu nes ymlaen yn eu bywydau.
Ydych chi wedi ystyried gofal plant blynyddoedd cynnar ym Merthyr Tudful?
Ar ryw bwynt, mae pob rhiant a gofalwr plant wedi poeni a allant fforddio mynd yn ôl i weithio neu ddod o hyd i’r opsiwn gofal plant cywir iddyn nhw a’u plant.
Fe allwch fod yn pryderu a yw’n iawn anfon eich plentyn i feithrinfa, cylch chwarae, cylch meithrin neu warchodwr plant, hyd yn oed os nad ydych chi’n gweithio.
Gall y cwestiynau fod yn ddiddiwedd, a gall yr atebion weithiau fod ychydig yn ddryslyd.
Mae astudiaeth ddiweddar gan y London School of Economics a Phrifysgol Rhydychen wedi dangos bod plant dwy a thair oed sy’n mynychu meithrinfeydd yn dangos gwell sgiliau cymdeithasol a chyffredinol, tra bo’r rhai sy’n aros gartref yn dangos sgiliau gwaeth o ran lleferydd a symudiad. Mae’r astudiaeth felly yn dod i’r casgliad fod meithrinfeydd o fudd i blant ifanc.
