Cyllid Grant Blynyddoedd Cynnar i blant 3–4 oed


Cyllid Grant Blynyddoedd Cynnar i blant 3–4 oed

Mae plant yng Nghymru yn gymwys i gael addysg feithrin ran-amser o'r tymor ar ôl eu pen-blwydd yn dair oed tan ddiwedd tymor eu pen-blwydd yn bedair oed.

Ym Mwrdeistref Sirol Merthyr Tudful, mae trefniadau ar waith i sicrhau bod pob plentyn tair a phedair oed yn cael mynediad i leoliad addysg gynnar rhan-amser mewn ysgol.

Fodd bynnag, gellir cyrchu cyllid Grant Blynyddoedd Cynnar i gefnogi'ch plentyn mewn addysg gynnar hefyd mewn 3 Darparwr Addysg Gofrestredig ym Merthyr Tudful.

Y tri darparwr addysg cofrestredig yw:

Mae cofrestru fel darparwr addysg yn ei gwneud yn ofynnol i leoliadau gofal plant gynnal arolygiad ar y cyd gan AGC ac ESTYN. Mae'r arolygiad hwn yn sicrhau bod plant yn derbyn addysg a gofal o safon uchel. Mae adroddiadau arolygu ar gael ar gyfer y lleoliadau hyn ar wefannau Estyn a AGC.

Fel rhiant neu ofalwr, mae gennych yr hyblygrwydd i ddewis ble yr hoffech i'ch plentyn fod yn bresennol, yn amodol ar argaeledd. Fe'ch cynghorir i gysylltu â'ch darparwr dewisol cyn gynted â phosibl, oherwydd efallai bod ganddynt restr aros am leoedd.

  • Darperir lleoedd rhan-amser ar gyfer hyd at bum sesiwn 2 1/2 awr yr wythnos, o'r tymor ar ôl pen-blwydd eich plentyn yn dair oed tan ddiwedd tymor ei ben-blwydd yn bedair oed.
  • Bydd gofyn i chi lofnodi ffurflen Datganiad Derbyn yn nodi faint o sesiynau yr hoffech eu hawlio yn y lleoliad hwnnw, a chadarnhau nad ydych yn hawlio mwy na 5 sesiwn x 2.5 awr yr wythnos i gyd neu mewn unrhyw leoliad arall.
  • Mae'n rhaid i blant fod yn byw ym Merthyr Tudful, a bydd gofyn i chi gyflwyno tystysgrif geni eich plentyn.
  • Unwaith y bydd y cyllid wedi'i gytuno, bydd y taliadau grant yn cael eu talu'n syth i'r darparwr. Fodd bynnag, efallai y codir tâl arnoch am unrhyw gostau gofal plant neu sesiynol ychwanegol yn y lleoliad.

Os oes angen unrhyw wybodaeth bellach arnoch am Ddarparwyr Addysg Blynyddoedd Cynnar, cysylltwch â:

Gellir cysylltu â Sharon Poloha – Athro Ymgynghorol Blynyddoedd Cynnar neu Dîm y Blynyddoedd Cynnar ar 01685 727387 / 727374

 

Yn yr adran hon