Cymorth i ddewis gofal plant

Mae dewis gofal plant yn benderfyniad hynod o bwysig i’r teulu i gyd. Bydd y darparwr gofal plant cywir yn helpu’ch plentyn i ddysgu, cael hwyl a gwneud ffrindiau newydd, yn ogystal â bodloni ei holl anghenion beunyddiol a chynnig tawelwch meddwl i chi gan wybod bod eich plentyn yn derbyn gofal da.

Beth bynnag yw eich rheswm dros ddewis gofal plant, mae sawl opsiwn ar gael i ateb eich anghenion. Mae dewis y gofal plant cywir yn bwysig, ond gall fod yn anodd. Mae cymaint o bethau i’w hystyried!

Wrth chwilio am ofal plant, mae’n syniad da caniatáu cymaint o amser ag sy’n bosibl i wneud eich gwaith ymchwil. Mae gan rai darparwyr gofal plant restrau aros, felly cysylltwch â’r rhai mae gennych ddiddordeb ynddyn nhw cyn gynted ag y gallwch.

Dylech hefyd ymweld â darparwyr i gael gwybod a ydyn nhw’n diwallu anghenion eich teulu cyn gwneud eich penderfyniad.

Mae nifer o opsiynau addysg gynnar a gofal plant i ddewis o’u plith ym mwrdeistref sirol Merthyr Tudful.